Raqi’s Secret Files

"Nagpaalam kami kay Manong kung p'wede ba pumasok sa dati naming school. Tinignan niya kami mula ulo hanggang paa at isa lang ang sagot niya sa akin: "Sige, sana makalabas kayo nang buhay." Kinilabutan ako no'n, DJ Raqi."

Ibinahagi ng sender na makalipas ang 20 years, nagmukhang haunted house ang hitsura ng dati niyang eskwelahan. Pinasok nila ito at dahil sa isang maling desisyon, muntik na silang 'di makalabas nang buhay. Ito ang secret file Christian.

"May anak na pala 'yung crush ko, pero nalaman ko rin na 'di sila okay ng boyfriend niyang nakabuntis sa kanya. Nagloko raw kasi 'yung lalaki. Ano naman kung magloko rin siya, 'di ba?"

Ibinahagi ng sender, isang water delivery boy, na 'di niya mapigilan ang paghanga niya sa customer niya. May anak man ito, nais pa rin niyang maging bahagi ng buhay nito. Ito ang secret file ni Jamie.

"Arab man si Mr. A. Mahigpit dito sa Middle East, kaya 'di talaga kami p'wede. Pero kapag umibig ka minsan, madadala ka talaga ng damdamin mo. Sa tindi ng pananabik namin sa isa't-isa, may mga pagkakataong may ginagawa kami sa loob ng sasakyan niya. Naulit ito nang ilang beses."

Ibinahagi ng letter sender na lintik talaga ang pag-ibig! Kung ano-anong nagagawa niya para rito–umabot pa sa puntong nakipag-esmiringhoy siya sa sasakyan ng kaniyang kalandian! Ito ang secret file ni Jane.

"Sinabi niya na kung totoong mahal ko siya mag-send daw ako ng sexy pictures. Nag-send ako dahil mahal ko naman.."
Ibinahagi ng letter sender ang karanasan niya sa kaniyang toxic boyfriend. Ang mga litratong para sa mata lang ng taong mahal niya ay ginagamit ngayon pang-blackmail sa kaniya. Ito ang secret file ni Mia.

"Alam kong mali kasi meron akong jowa, pero hinayaan kong may mangyari sa aming dalawa nung babaeng 'yun. Ayun, nabuntis siya."

Ibinahagi ng letter sender na minsan, nananaig talaga sa lalaki ang tawag ng laman. Bakla man siya at in a relationship sa kapwa niya lalaki, 'di pa rin niya napigilang magkaroon ng kabit na babae. Ngayon, buntis ang kabit niya at wala siyang choice kun'di pakasalan ito. Ito ang secret file ni Paul.