Raqi’s Secret Files

“Binenta ko ang sarili kong dangal para lang makaahon kaming dalawa sa hirap.”Ibinahagi ng letter senfder ang masakit niyang karanasan sa piling ng lalaking minahal niya mula pa noong high school. Sa edad na 14, nabuntis siya at maagang hinarap ang responsibilidad bilang ina, habang nagsisikap na maitaguyod ang pag-aaral at pangarap ng kanilang pamilya. Marami siyang isinakripisyo para makaahon sila sa hirap, pero nang makapagtrabaho na sa Taiwan ang asawa, natuklasan niyang niloko siya nito. Sa kabila ng pagbuti ng kanilang buhay pinansyal, nanatili ang sakit, pagod at pakiramdam na hindi pinahalagahan ang lahat ng kanyang ginawa. Ito ang secret file ni Lai.

“Gusto ko lang talagang makahanap ng babaeng mamahalin ako kung sino ako. Hindi dahil may mga negosyo ako. Hindi dahil meron akong pera.”Ibinahagi ng isang 35-anyos na lalaki mula Bulacan ang kanyang mga pagkabigo sa pag-ibig matapos siyang lokohin ng dalawang naging karelasyon niya. Bilang isang negosyante na nagpapatakbo ng anim na kumpanya, aminado siyang mas inuuna niya ang trabaho at pagbibigay ng magandang buhay kaysa oras at atensyon sa kanyang mga naging girlfriend. Ngayon, may nakikilala siyang bagong babae, pero hindi niya maiwasang magduda kung tunay ba ang interes nito sa kanya o naaakit lamang sa kanyang estado sa buhay. Sa kabila ng tagumpay niya sa negosyo, ang simpleng hangad lang niya ay makahanap ng taong mamahalin siya nang totoo, hindi dahil sa pera o kung ano ang kaya niyang ibigay. Ito ang kaniyang secret file.

“Ginagamit ko lang 'yung mga kabit kong lalaki para pagselosin 'yung live-in partner ko. Akala ko gagana, pero wala lang daw sa kanya, basta wag lang daw akong magpapahuli.. 'Di man lang siya kinabahan."Ibinahagi ng letter sender ang pinagdadaanan niya sa anim na taong relasyon nila ng kanyang live-in partner. Dahil sa paulit-ulit na problema sa kanilang pagsasama, aminado siyang naghahanap siya ng atensyon at pagmamahal mula sa ibang tao. Pero kahit maraming bagay ang gumugulo sa isip niya, hindi pa rin niya alam kung kaya na ba niyang tuluyang bitawan ang taong mahal niya. Hanggang kailan nga ba niya kayang tiisin ang ganitong sitwasyon? Ito ang secret file ni Kelly.

"Hindi ko alam kung ano 'yung unang mararamdaman ko no'ng time na 'yun, eh. Gulat? Galit? Selos? O sakit? Imagine, 10 years kami, tapos sasabihin sa akin no'ng mga lalaking 'yun girlfriend nila 'yung girlfriend ko."

Ibinahagi ng letter sender na nahuli niya ang girlfriend niya na may dala-dalawa palang kabit! Magkaayos pa kaya sila o tuluyan nang masira ang relasyon nila? Ito ang secret file ni Jerome.

“Hinubad ko ang isang medyas ko sa paa at ’yun ang ipinamunas ko! Nilinis ko hanggang sa wala nang bahid ng kahit ano!”Ibinahagi ng letter sender ang isang nakakahiyang pero nakakatawang karanasan niya sa debut ng matalik niyang kaibigan. Dahil hindi niya mapigilan ang kaniyang sarili, sinubukan niyang makapagparaos sa banyo habang busy sila sa party. Medyas lang, sapat na! Ito ang scret files ni Samson.